Fahad Salem

Launch 2018-10-04 22:58:19

كلمات : مزيد 

الحان وبيانو : راكان

مكس وماستر : منتظر الزاير

جيتار : شريف فهمي


كلمات الأغنية  

ليت بابي على بابك

ليته نفسه العنوان

نفس الشارع اللي تسكنه

انت وانا جيران

يفصلني شباك عنك

لا بغيت القرب منك

افتحه ..

واطلق الخفّاق سارح

ما يجي من الشوق لافح

يلفحه ..

وما لي حاجه ..

غير امر صوبك واسلّم

يعني صدفه .. يعني مدري

وقلبي الغافل تفاجى

ليتنا ابنا عمومه

ليتني اهلك وناسك

او طفل محد يلومه

لو تغافلهم وباسك !


44508
Launch 2018-01-03 17:48:57

كلمات : محمد الشريدة 

الحان : راكان

توزيع : صهيب العوضي 

مكس وماستر : منتظر الزاير 

 

 

كلمات الأغنية ✎

اقسم أحبك للأبد اقسم ولا غيرك أحد

اقسم إلى موتي اعيش أهواك وما بعدك بعد

قلبي على قلبك بيكون وما غيرك تشوف العيون

وانته على رقبتي تمون وآنا لك ذْراع وسند

انت الذي كنت انطره وقبلك حياتي عابِره

وما يهمْني منهو أخسره او منهو فارق وابتعد

شتّانْ بينك وبينهم وينك حبيبي ووينهم

شينك في عيني زينهم وما مثلك بعمري انوجد

23681
Launch 2017-08-22 15:32:07

 كلمات : مزيد 

ألحان : راكان

توزيع : براك المطوع

مكس و ماستر : منتظر الزاير 

كلمات الأغنية 
ما امل حبك ، ولو ما به جديدٍ صار
اعشق الروتين منّك واعشق التكرار
وغيرك صعب يشغلني
وانا ؟ مو بس حبيتك
سمي الروح احس اني
تجرّعتك .. تعاطيتك
بينك وبين الملا .. لا شك ما احتار
حتى لو جنة هواهم وهواك النار
يا ناري اللي ما تطفي
في قلبي دوم وقّاده
انا وياك .. ذا يكفي
ولا راح اطلب زياده
  
13983
Launch 2016-08-27 00:19:14

كلمات : مزيد

ألحان : راكان

توزيع : جراح الصايغ

مشتاق لك وقلبي بالاشواق غارق
قالوا تصبّر ياخي عالوصل لاحق !
ماظن ابلحق ، قلبي ما راح يمديه
بيموت قبل يمد لي الوصل اياديه

ابوح لك واشكيك همّي .. وحمولي
اسرح معك فجأه انتبه منت حولي !
مسترسل اثر اني احاكي طيوفك
يا وجد عيني .. يا حبيبي لـ شوفك

دنياي يا غالي .. بدونك شقيّه
يرضيك حالي ؟ كيف ما بك حميّه ؟
هذا وانا احبك ، ليه عندك اهون ؟
ارحم عزيزٍ ذل بعدك .. ومغبون

13272
Launch 2016-08-13 23:55:52

كلمات : الجادل
الحان : فهد السالم
توزيع : مهند خضر
مكس و ماستر : محمد عصمت
إشراف الملحن : بندر سعد

:: كلمات الأغنية ::

ليه راجع .. منهو قال إني فقدتك
من يقول إني عذرتك
طاح كل الوقت مني
و ما إنتظرتك

لا تعاتب لا تلوم
المحبه من العتاب

و قلبك الواهي الظلوم
ما له احباب و صحاب

و ما عذرتك

ليه راجع .. ما تبيني
ديني آلام و مواجع

لو تبيني
هات لي نجمة و قمر
و ممكن اعيد النظر !

و ما عذرتك

 
  •  
10255
Launch 2016-06-24 14:36:54
الحان : راكان
وتريات : أحمد فرحات
مكس و ماستر : صهيب العوضي
 

وش تبون ؟
ما لقيتوا وقت غير الوقت اللي
فيه انا لوحدي وخلي .. توصلون !
وش تبون ؟
ضاقت الدنيا عليكم ؟
لو تبون .. احنا نجيكم
لا تجون ..

انا ما صدقت يفضى الكون فينا
قبلكم كان القمر .. ودّه يحدر
يسهر معانا ما رضينا
هذا هو وقتُه حبيبي
ومن يجي بـ وقتُه غريبي
عاد بالله تفهمون ؟
وش تبون ؟

قدركم محفوظ بس الوقت سارق
لو بكمّل سهرة الليله معاكم
شوفوا محبوبي بـ يفارق
والله لأذكركم بخير
لو هداكم ربي غير
اللحظه هذي تسألون
وش تبون ؟

 

 

3971
Launch 2016-06-24 14:35:47

كلمات : مزيد 
ألحان : راكان 
وتريات : أ. تامر فيضي
ايقاعات : عبدالله البلوشي  
توزيع : أ.جراح الصايغ
صولو عود : علي الجمالي 
كورال : فراس العروج ، يوسف السنيد ، مشاري الغاشم ، يوسف الشمري 
مكس و ماستر : صهيب العوضي 
اشراف عام : طلال الفصام

 

مجنون من يسفه عطاك وما عطاك
لو قلبي قلبه .. كان ما صدّق لقاك
ما حمد ربه عليك
ما درى غيره يبيك
وحلم عمري تتركه عنك
وتأشر لي .. واجيك

مجنون اللي هانت دموعك عليه
ما تكلّف لو لمحها وقال : ليه !
وينام قبل انت تنام
ويتركك وسط الظلام
ما يفكر بك .. اناني
عنده نفسه .. والسلام

ما فاد معروفك وما زالك حزين
اولى بالمعروف هذا المُقربين
وانا اقرب لك تراني
منه ومثلك اعاني
لا واحس باللي تحسه
لان كل ما جاك جاني

7861
Launch 2016-06-24 14:33:19

غناء : فهد السالم
كلمات : مـزيـد
الحان : راكـان
توزيع : جراح الصايغ
وتريات : تامر فيضي
ساكسفون : وسام خصاف
ايقاعات : احمد العنوه
مكس وماستر : عمرو هاشم

تصوير واخراج :
أحمد بن سلطان @m9warati

لك احبابك .. لك ناسك
لك اللي شاغلينك بالهوى عني
ولي الله .. يا مشغول وشاغلني

على بالي وابد ما غبت يا غالي .. على بالي
قبالي .. وين ما عيني تشوف .. اشوفك قبالي
اشوفك في وجوه الناس
ملامحهم تغيب وصورتك تبقى
علي يا سيّدي لا باس
تهنى في شبابك وانا في حرقه

ولا تسأل .. انا بالنسبه لك منسي .. انا مُهمل
قضى عمري ولا في ايديني شي غير اني اتخيّل
حكايه اعيشها وياك
تداريني تحس فيني تهواني 
تحسسني انا ايّاك
لا قبلي ولا بعدي احد ثاني

3517
Launch 2016-04-03 23:35:58

كلمات : مزيد
الحان : راكان
توزيع : احمد فؤاد @ahmedfuad_i
وتريات : تامر فايضي @tamerfaizy
صولو كمان : محمود سرور @mhmoudsorour
بيز جيتار : فهد البحري @fahad__albahri
جيتارات : روكيت
ايقاعات : عبدالله البلوشي @abdullah_albloshy86
مكس وماستر : صهيب العوضي @suhaibalawadhi
تصوير : خالد القلاف @khaled.sketch
تصميم : احمد السعدي @daymendesign
شكر خاص : طلال الفصام @moseqe1

 

لك فوق الغلا .. ذاتي
ولك عمري اللي راح
وعمري الـ آتي ..
وجودي انت واحلامي
وكل الناس قدامي
وطموحاتي
لك فوق الغلا .. ذاتي

ولا بالنسبه لي يوصل
قدر انسان ..
مثل ما يوصل
قدرك يا هوى روحي
يا غالب بالهوى جروحي 
ومعاناتي
لك فوق الغلا .. ذاتي

وخالق حسنك الباهي
ما غيرك علي يا زين
الآمر الناهي
ولا تسمع سوى حاضر
يا اول دنيتي .. وآخر
محطاتي
لك فوق الغلا .. ذاتي

4387
Launch 2016-04-03 23:34:07

كلمات : حبيب فاضل
الحان : عماد الرميثان


ما اقدر اخليك
و إن جيت و شفت الحال
تلقى الهوى ما زال
بيني و بينك

و إن مَرّ طاريك
تتغير الواني
قاعد و احاتيك
خايف .. لا تنساني

يا حلمي الباقي
لا .. تنوي فراقي
و اللي يخليك
ربي .. الله يخليك !

مجبور انا فيك
ما اقدر اخليك
و إن جيت و شفت الحال
تلقى الهوى ما زال
بيني و بينك

4880
Launch 2016-04-03 23:30:14

كلمات : مزيد

ألحان : راكان

توزيع : براك المطوع

جيتارات : شريف فهمي

كلارنيت : عبدالله فاروق

مكس و ماستر : فهد الشلبي

تصوير : وضحة الحربان

 

ردني لي .. ولا خذ كلي معاك
لا تقسمني حبيبي في جفاك
نصفي عندي يشتكي حرّة غيابك
ونصفي الثاني تعب يمشي وراك

ردني لي .. ولا خذ كلي معاك

لا لمحتك ما اغمّضها عيوني
من غلاتك مابي تسرقني جفوني
يا اللي وحدك دايم تهيّج شجوني
و اتّـجه لك .. وانت تعطيني قفاك

ردني لي .. ولا خذ كلي معاك

ضاع عمري .. في بكى همٍ ونوح
وانت مع غيري ضحك لعب ومزوح
ياخي ارجع بس اقتلني .. و روح
يمكن ارحم من عنا وقتي بلاك

ردني لي .. ولا خذ كلي معاك

5531
Username
Website
Music Type