كلمات :اصايل

الحان:البحر

توزيع: زيد نديم



كلمات الاغنية:

تبغي الصِّدق يا شوق قلبي على نار

تبغي الصِّدق إن شفتك تموت ناري

في شوفتك آحس بأنهار وأمطار

بعروق قلبي بارد الشوق جاري 

إنت الغلا وإنت العشق وإنته الدار

ودونك أنا غربه ولقياك داري 

دونك أنا ماعيش لو صار ما صار

لو يجمعون النّاس إنت إختياري

بيني وبينك حب يا شوق وأسرار

وطيفك يمر ولا ضُوى اللّيل ساري

آظمّه برمشي وأسافر بالأشعار

وأسما المشاعر دون كاتب وقاري

كِلّي وله كلي عشق وإلْك مِقدار

وقدرك بقلبي غير والكِل داري

مالي عزا دونك ولا اتقبّل أعذار

سولفك قلبي لين مادْمنك طاري

إش كثر أحبِّك عِد والعدْ تِكرار

عدْ المِطر عرض البحر والصّحاري

وفِي روض قلبي لك ظليل وأنهار

تروي القريب ولا تشابه عذاري

وأنا أصايل لك ولو هالزِّمن جار 

ويفز قلبي كل ما مر طاري 

تفداك روح اللّي تحبِّك بالأعمار 

وغلاك يِسمى فوق بايع وشاري